Agjencia e Trajtimit të Pronave përfundon procesin për 220 dosje pronash. Kompensimi financiar rreth 363.6 milionë lekë  

Agjencia e Trajtimit të Pronave (ATP) njofton se, më datë 13 qershor 2023, ka përfunduar procesin e shqyrtimit për 220 (dyqind e njëzet) kërkesa, të cilat përfitojnë këstin e parë, të dytë, të tretë, të katërt dhe të pestë të kompensimit në të holla në një total prej 70% të vlerës totale të miratuar me VKM-të përkatëse.

“Për 220 (dyqind e njëzet) kërkesat, e mësipërme, për të cilat ka përfunduar procesi i shqyrtimit nga ana e ATP-së, ka rezultuar se dokumentacioni i tyre është në përputhje me kriteret e përcaktuara në Vendimin e Këshillit të Ministrave nr. 383, datë 19.05.2010 “Për përcaktimin e procedurave të shpërndarjes së fondit të kompensimit në vlerë për pronarët e pasurive të paluajtshme, pronë private, që preken nga ndërtimet informale”, i ndryshuar.

Fondi financiar që shpërndahet nga ATP për këto 220 (dyqind e njëzet) kërkesa, është në vlerën: 363 583 766,05 (treqind e gjashtëdhjetë e tre milion e pesëqind e tetëdhjetë e tre mijë e shtatëqind e gjashtëdhjetë e gjashtë presje zero pesë) lekë. Të dhënat në lidhje me pasuritë që kompensohen dhe mbi gjeneralitetet e subjekteve përfitues jepen në listën bashkëlidhur këtij njoftimi” informon ATP.

Agjencia e Trajtimit të Pronave (ATP) njofton subjektet e interesuara se vlerat përkatëse për secilin përfitues do të jenë disponibël në llogaritë e tyre në bankat e nivelit të dytë pas përfundimit të procedurave të transfertave bankare në ditët në vazhdim.

Lista e perfituesve: KLIKO KETU

 

SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.