AKSHI: E-Albania rikthehet në normalitet të plotë! Cilat janë shërbimet ende jo funksionale?!
![](https://scantv.al/wp-content/uploads/2022/07/Albania-765x383.jpg)
AKSHI njofton se shërbimet online për qytetarët dhe bizneset janë normalisht të aksesueshme konkretisht aktualisht, 1224 nga 1225 shërbime online që jepen në platformën e-Albania, mund të përdoren nga qytetarët dhe bizneset me të njëjtën shpejtësi dhe lehtësi si më parë.
Sipas njoftimit janë në funksion të plotë shërbimet e mëposhtme:
– Vërtetimit të pagesës së aftësisë së kufizuar;
– Kryerja e pagesave të ujit për UKT Tiranë;
– Aplikimet për Leje ndërtimi (e-Lejet), vlerësimit të ndikimit në mjedis dhe përdorimit të burimeve ujore;
Ndërkohë AKSHI bën me dije se stafi i inxhinierëve po punon për të kthyer në normalitet dhe shërbimin e fundit të mbetur: njehsimi i diplomave dhe certifikatave të lëshuara nga institucionet e huaja.
Gjithashtu po sipas këtij njoftimi me qëllim vijimin e mëtejshëm të procedurave administrative për aplikimet e ngarkuara në sistemin e-Leje, Agjencia e Zhvillimit të Territorit (AZHT), në cilësinë e Sekretariatit Teknik të Këshillit Kombëtar të Territorit, në bashkëpunim me Agjencinë Kombëtare të Shërbimit të Informacionit (AKSHI):
▪ ofron asistencë ligjore dhe procedurale ndaj Bashkive dhe institucioneve që kanë akses në sistemin elektronik e-Leje;
▪ përgatit udhëzimin përkatës mbi bazën e të cilit do të operojnë të gjithë aktorët e përfshirë në proces, që dërgohet për shqyrtim dhe miratim dhe pranë Këshillit Kombëtar të Territorit.
E . S / SCAN
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.