Aksidentet me makina, rastet kur dëmin e paguan vetë shoferi – Xhillari: Kur drejtuesit janë në shkelje të ligjit, kompanitë i çojnë në gjykatë

Ekspertja e tregut të sigurimeve Venera Xhillari thotë se ndryshimet e fundit ligjore përcaktojnë që drejtuesit e mjeteve që shkaktojnë aksidentet janë në shkelje të ligjit, dhe jo nga pakujdesia, detyrohen që të shlyejnë edhe dëmet e shkaktuara ndaj palës tjetër.

Sipas saj, është fillimisht kompania ku është siguruar i dëmtuari ajo që mbulon shpenzimet, por më pas ajo i drejtohet gjykatës në mënyrë që dëmi i shkaktuar në shkelje të ligjit të paguhet nga shkaktari.

Zgjidhja me marrëveshje e dëmshpërblimit për aksidente të vogla është një tjetër risi që ka sjellë ligji i ri i sigurimeve, i cili po përdoret nga shumë drejtues mjetesh për të dakordësuar dëmshpërblimin duke shmangur procedurat e gjata.

Lorenc Rabeta/SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.