Gjykata Kushtetuese pranon padinë – Cilat janë ankesat e profesioneve të lira? Tabaku: 11 mijë biznese të mbyllura

Gjykata Kushtetuese ka pranuar të marrë në shqyrtim padinë e depozituar nga Partia Demokratike dhe grupet e interesit për të rrëzuar ligjin që taton profesionistët e lirë deri në 23 për qind.  Deputetja Jorida Tabaku ka organizuar një tryezë diskutimi me përfaqësues të profesioneve të lira, ku janë ngritur shqetësimet që do të parashtrohen në Gjykatën Kushtetuese deri më 21 Maj.

“Asnjë nga shqetësimet që ka ardhur nga grupet e interesit nuk është reflektuar në variantin final të ligjit nga ana tjetër zbatimi i ligjit nuk është ashtu siç është shkuar. Janë 11 mijë biznese të bogla të deklaruara të mbyllura gjatë këtij viti dhe nuk ka pasyr asnjë reagim. Në padinë që kemi çuar në Gjykatën Kushtetuese kemi pasur si qëllim të mirën publike. Ky profesion nuk mund të konsiderohet si të gjithë të tjerat dhe s’mund të tatohet më shumë se çdo punë tjetër.”

Profesionistët kanë ngritur shqetësimet sa i takon llogaritjes së kësteve, mosnjohjes së shpenzimeve si dhe tatimit të vendosur i cili shikohet si pa arsyeshëm dhe që do të përkthehet me efekte negative jo vetëm për bizneset, por edhe për buxhetin.

“Taksa për profesionet e lira ka qenë në fillim 7.5 për qind. Më pas në 2015 u bë 5 për qind dhe më vonë ku zerua. Çdo e ardhur tatimore që mblidhet nga buxheti për këto subjekte është me kosto të lartë dhe del me humbje. Pse pikërisht ky nivel takse? Nuk shoh as kushtet ekonomike për aplikimin e saj, pasi vijmë pa snjë pandemie, luftës dhe një hiperinflacioni. Ligji hyn në fuqi i cunguar sepse sistemi nuk është gati. Dhe një ligj duhet të hyjë në fuqi i plotë. Duhet të hynte si paketë e plotë duke u shtyrë me një vit”.

“Prezumimi ku fillon ligji është i pasaktë, sepse s’kemi pasur detyrim për të dorëzuar bilance. Më janë llogaritur këstet me normë 23 % për qind. Duhet të më hiqen aprirori 30 % e shpenzimeve. Mbi ç’bazë është vendosur ky 15 %, cila është arsyeja logjike?”

“Si mund të parapaguaj tatimfitim kur nuk kam garanci çdo më ndodhë deri në fund të vitit, a do kem humbje, anulim kontratash? S’mund të krahasosh të punësuarin me te vetëpunësuarin. Nuk janë të barazueshëm”

Ligji i ri për tatimin mbi të ardhurat ka shkaktuar reagime dhe mosakordësi nga ana e profesionistëve të lirë për mënyrën si janë llogaritur këstet, duke mos u zbritur shpenzimet e parashikuara, dhe kjo ka sjellë edhe një lumë ankesash drejtuar administratës tatimore.

Elisabeta Dosku/SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.