Amazon, eBay, Wish dhe AliExpress nën hetim – Platformat e tregtisë online akuzohen për shitjen e armëve të paligjshme

Amazon, eBay, Uish dhe AliExpress janë nën kritika pasi një hetim zbuloi se armë të paligjshme si thika, shpata dhe shkopinj po shiteshin në këto platforma online. Organizata e konsumatorëve në Mbretërinë e Bashkuar, Uhich? Konstatoi armët pa leje ofroheshin nga shitës të tretë të cilët prezantoheshin me emra të ndryshëm.

Ligji në Mbretërinë e Bashkuar – duke përfshirë Aktin e Armëve të sulmit 2019 – ndalon shitjen e këtyre armëve në vend dhe ato nuk mund të mbahen në pronësi të një familjeje. Nëse një person do të kapej me armë pa leje, ai mund të përballet me arrestim dhe dënim me burg. Sipas hetimeve armët e paligjshme që shiten on line ofrohen me çmime jashtëzakonisht të lira dhe firmat teknologjike në fjalë ofrojnë dhe artikuj shtesë që janë të rrezikshëm për jetën e njerëzve.

Grupi në mbrojtje të konsumatorëve tha se shitësit i prezantojnë armët si mjete që mund të përdoren për vetëmbrojtje. Në eBay, hetimet zbuluan thika dhe shpata që konsiderohen vdekjeprurëse në rast se përdoren për të sulmuar ditë. Në një kohë që rregullorja e eBay bën të qartë se asnjë nga këto armë nuk duhet të shitet në platformën e tij.

Ekspertët thanë në uebsajtin AliExpress, gjetën një numër të madh thikash dhe “unaza vetëmbrojtjeje” vetëm për 0.58 euro.

Amazon reagoi menjëherë duke konfirmuar se kishte hequr çdo produkt të konsideruar si armë e paligjshme nga platforma. Gjithashtu khmpania u shpreh e zhgënjyer për faktin se shitësit kanë arritur të shmangin sistemet e sigurisë. Kjo ngjarje tashmë do të përdoret për përmirësuar mekanizmat parandalues.

Dhe eBay tha se po hetonte se pse artikujt nuk u bllokuan dduke shtuar se e merrte sigurinë e klientëve të saj “shumë seriozisht”.

Uish konfirmoi se po ndërmerrte veprime kundër çdo shitësi të paligjshëm, ndërsa AliExpress tha se kishte hequr të gjitha armët dhe po niste një hetim.

Dorina Kurtaj / SCAN

 

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.