Amnesty International: Rritje drastike e numrit të dënimeve me vdekje!

Sipas Komisionerit të OKB-së për të Drejtat e Njeriut, Folker Turk, të paktën 209 persona janë ekzekutuar në Iran këtë vit duke e bërë atë vendin me numrin më të madh të dënimeve me vdekje në botë. Këtë e tregon raporti i fundit i Amnesty International për dënimet me vdekje dhe ekzekutimet në vitin 2022. Vitin e kaluar, të paktën 576 njerëz u vranë në Iran – pothuajse dy herë më shumë se në vitin 2021.

Numri i vdekjeve u ngrit ndjeshëm edhe në anën tjetër të Gjirit Persik: në Arabinë Saudite në vitin 2021, 196 njerëz u vranë.  “Brenda një dite, Arabia Saudite ekzekutoi 81 persona,” tha Sekretari i Përgjithshëm i Amnesty International Anges Calamar në prezantimin e raportit tha se Irani dhe Arabia Saudite së bashku janë përgjegjës për më shumë se 80 % të ekzekutimeve në botë.

Në vitin 2022, të paktën 883 persona u ekzekutuan në 20 vende të ndryshme të botës më shumë se në pesë vitet e fundit. Numri i ekzekutimeve është rritur ndjeshëm në krahasim me vitin 2021: një rritje e tmerrshme prej më shumë se 300 rastesh ose mbi 50 %.

Ndërkohë që ekzekutimet në Kinë, të cilat ndoshta numërohen me mijëra, nuk janë as pjesë e statistikave: Kina e trajton numrin e ekzekutimeve si sekret shtetëror. E njëjta gjë vlen edhe për Vietnamin. Nuk ka të dhëna as nga Koreja e Veriut, e besohet se edhe në atë vend ka një numër të madh të ekzekutimeve. Në emër të shtetit vriten njerëz edhe në Japoni, SHBA dhe Singapor.

Sipas Amnesty International, më shumë se një e treta e të gjitha ekzekutimeve të regjistruara ishin për trafik droge. Atyre u ndalohet shprehimisht dënimi me vdekje për krimet që nuk plotësojnë pragun e “krimeve më të rënda”, për shembull për vrasje me paramendim. Kryetari i Komitetit për të Drejtat e Njeriut është gjithashtu i bindur se ekzekutimi i kriminelëve nuk ka një efekt parandalues.

Ka një fije shprese në këtë pamje të zymtë: gjashtë shtete të tjera e kanë hequr plotësisht ose të paktën pjesërisht dënimin me vdekje në vitin 2022. Situata ka ndryshuar veçanërisht në Afrikë: Sierra Leone dhe Republika e Afrikës Qendrore e kanë hequr plotësisht dënimin me vdekje.

Guinea Ekuatoriale dhe Zambia në një masë të madhe. Liberia dhe Gana po përgatiten ta shfuqizojnë atë. Deri në fund të vitit 2022, gjithsej 112 shtete e kanë hequr plotësisht dënimin me vdekje. Dhe pothuajse dy të tretat e të gjithë anëtarëve të Kombeve të Bashkuara, ose 125 vende, votuan në dhjetor për një moratorium mbi dënimin me vdekje. DW

Edel Strazimiri / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.