Amnistia fiskale/ Kush është pro e kush është kundër – Cila ështa “frika” e biznesit dhe ekspertëve mbi nismën e faljes?

Amnisia fiskale dhe penale e hedhur së fundmi për konsultim publik, ka ngjallur reagime të shumta në radhët e biznesve dhe të ekspertëve. Disa prej tyre janë rreshtuar kategorikisht kundër këtij procesi duke e e cilësuar si mekanizëm për pastrimin e parave të pista, ndërsa të tjerë e kanë parë në një optikë positive dhe optimiste për formalizimin e ekonomisë, por duke kërkuar zbatim të kujdeshëm dhe rigoroz. Fillimisht Dhoma Amerikane e Tregtisë ka shprehur rezervat e saj kundrejt kësaj nisme dhe më pas e ka përforcuar qendrimin kundër permës një deklarate zyrtare.

Kundër mënyrës se si është konceptuar draftligji për aministinë fiskale është rreshtuar edhe Dhoma e Tregtisë dhe Industrisë Tiranë. Sipas kreut të saj, qeveria nuk ka një plan të qartë për zbatimin e faljes dhe për forcimin e institucioneve ligj-zbatuese, të cilët duhet të inkurajojnë pjesën e ndershme të biznesit. Ndërsa sipas Dhomës Britanike në Shqipëri amnistia sjell zgjerimin e bazës së taksapaguesve, por është penalizuese për ata që prej 30 vitesh kontribuojnë dhe paguajnë rregullisht.

Po ashtu,  së fundmi Konfindustria thekson se nisma e faljes fiskale duhet të marrë patjetër miratiimin paraprak nga vendet e Bashkimit Europianë dhe aleatatë strategjikë, në të kundërt do të jetë e dështuar dhe me rreziqe. Ndërsa për Dhomën e Biznesit të Diasporës Shqiptare, kjo nismë duhet parë dhe zbatuar me kujdes dhe të mos jetë vetëm në funksion të biznesit të mëdh.

Nga ana tjetër ekspertja e ekonomisë, Suzana Guxholli po ashtu e sheh si proces skeptik që ka si qëllim më së shumti pastrimin e parave të pista dhe se dekurajon bizneset e ndershme.

Në pëgjigjen e tij kundrejt reagimeve për amnistinë fiskale, kryeministri Edi Rama është treguar shumë i ashpër dhe njëkohësisht i vendosur për ta miratuar atë. shumë Kreu i qeverisë Edi Rama i kërkoi biznesit të japë ide të frytshme për të ndërhyrë bashkarish në draftin për amnistinë fiskale dhe penale që Shqipëria pret të ndërmarrë për herë të parë. Rama tha se nuk do pranojë jo apriori nga Dhomat e Tregtisë të vendeve partnere që në fakt e kanë bërë disa herë amnistinë edhe me masa më demokratike.

Muajin që lam pas qeveria hodhi për konsultim draftin e ri për amnistinë fiskale dhe penale, i cili u jep mundësi qytetarëve dhe bizneseve që të formalizojnë deri në 2 milionë euro duke paguar një normë tatimore nga 7 deri në 10 për qind.  Ndërkohë që drafti përcakton edhe individët e përjashtruar nga kjo falje të cilët kanë pasur detyra publike apo janë objekte hetimi.

Elisabeta Dosku / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.