ARAMCO, në tregun e gazit natyror të lëngshëm – Gjigandi saudit i naftës investon 500 milionë dollarë në sektor

Kompania shtetërore saudite e naftës Aramco ka blerë një pjesë të vogël të aksioneve në kompaninë MidOcean Energy duke hyrë në këtë mënyrë në tregun botëror të gazit natyror të lëngshëm..

Njoftimi zyrtar i shpërndarë për mediat shton se Aramco dëshiron të marrë një pjesë në katër projekte australiane LNG dhe se procesi është në vazhdim. Aramco ka nënshkruar një marrëveshje përfundimtare për të blerë një pakicë strategjike të aksioneve në Midocean Energy për 500 milionë dollarë, investimi i parë ndërkombëtar i gjigantit saudit të energjisë në sektorin e LNG -së.

Gjithashtu kompania bën të qartë se ka në plan të blejë më shumë aksione në të ardhmem.

‘MidOcean’ është në pronësi dhe menaxhuar nga firma amerikane e investimeve EIG Partners, e cila udhëhoqi një konsorcium për të blerë 49% të aksioneve në biznesin e tubacioneve të naftës të Aramco në vitin 2021, një marrëveshje që mblodhi 12.4 miliardë dollarë për Aramco.

Sipas gjigandit saudit të naftës ‘MidOcean Energy’ është i pajisur mirë për të kapitalizuar në rritjen e kërkesës për LNG dhe ky partneritet strategjik pasqyron gatishmërinë për të punuar me lojtarët kryesorë ndërkombëtarë.

‘MidOcean’ gjithashtu është në procesin e blerjes së interesave në katër projekte LNG në Australi si pjesë e strategjisë së saj të rritjes për të krijuar një biznes global të LNG-së. Në tetor 2022, kompania konfirmoi marrëveshjen me ‘Tokyo Gas’ për të blerë aksionet e kompanisë japoneze në një portofol prej katër projekteve australiane LNG për 2.15 miliardë dollarë.

Presidenti dhe shefi ekzekutiv i Aramco Amin Nasser tha se marrëveshja forcoi marrëdhëniet e Aramco me EIG dhe se gazi do të jetë i rëndësishëm në përmbushjen e nevojës në rritje të botës për energji të sigurt, të aksesueshme dhe më të qëndrueshme.

Dorina Kurtaj / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.