Ari ngjitet përkohësisht pranë 2100 USD – Mbështetet nga tensionet gjeopolitike dhe nga ulja e pritshme e interesave

Ari është kthyer në rënie gjatë sesionit europian, por më herët preku nivelin më të lartë në histori, duke u ngjitur në mbi 2100 dollarë, për shkak të rritjes së kërkesës për asete të sigurta. Analistët shprehen se çmimet e arit janë në rrugën e duhur për të arritur nivelet të reja rekord vitin e ardhshëm dhe mund të mbeten mbi 2,000 dollarë, duke përmendur pasiguritë gjeopolitike, një dollar më të dobët dhe ulje të mundshme të normave të interesit.

Çmimet e metalit të verdhë janë rritur për dy muaj radhazi, pasi konflikti izraelito-palestinez ka rritur kërkesën për asetet e sigurta, ndërsa pritshmëritë për një ulje të normave të interesit kanë dhënë mbështetje të mëtejshme. Ari tenton të performojë mirë gjatë periudhave të pasigurive ekonomike dhe gjeopolitike. Analistët presin një çmim mesatar të arit në rreth 2100 edhe gjatë tremujorit të dytë të vitit 2024, për shkak të blerjeve të forta nga bankat qendrore.

Sipas një sondazhi të Këshillit Botëror të Arit, 24% e të gjitha bankave qendrore synojnë të rrisin rezervat e tyre të arit në 12 muajt e ardhshëm, pasi po bëhet gjithmonë e më shumë pesimiste në lidhje me statusin e dollarin amerikan, si një aset rezervë.

Ndërkohë, normat e larta të interesit e dëmtojnë kërkesën për ar, i cili nuk paguan asnjë interes, pasi asetet e tjera siç janë obligacionet bëhen më fitimprurës për shkak të yield-eve të larta. Në anën tjetër, gjatë një fjalimi të premten, shefi i Rezervës Federale, Jerome Poëell, sinjalizoi se nomrat e interesit kanë arritur kulmin, ndërsa shumë shpejt mund të fillojë ulja e tyre.

SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.