Atletet ‘ultra të rralla’ të Apple dalin në shitje për 50 mijë dollarë!

Kur mendoni për Apple, ka të ngjarë që ajo që së pari ju vjen në mendje është një pajisje e teknologjisë revolucionare dhe jo një palë atlete. Por një palë atlete Apple “ultra-rralla” tani po shiten nga ankandi Sotheby’s për 50,000 dollarë, duke marrë një çmim më të lartë se çdo produkt aktual i Apple.

Kompletuar me logon ylber të Apple para dhe në anë, atletet e bardha ishin bërë me porosi për punonjësit e kompanisë si një dhuratë një herë në një Konferencë Kombëtare të Shitjeve në mesin e viteve 1990.

“Duke mos arritur kurrë tek publiku i gjerë, këto palë atlete të veçanta janë një nga më të panjohurat që ekzistojnë”, tha Sotheby’s në katalogun e saj.

Edhe pse prodhimi i atleteve është i pazakontë për Apple, në vitin 1986, marka e teknologjisë lëshoi një gamë veshjesh dhe aksesorësh të quajtur “Koleksioni i Apple”, duke shfaqur kriklla, çadra, çanta, çelësa dhe madje edhe një dërrasë vela, të gjitha të zbukuruara me logon ylber të Apple, sipas një katalogu i botuar atë vit. Vitin e kaluar, 22,000 njerëz blenë këmisha Apple nga kompania.

Këto njiheshin si “produkte të etiketës së bardhë” të prodhuara nga një kompani e palës së tretë si Lamy, Honda ose Braun, por shiten nga Apple duke përdorur markën dhe logon e saj.

Atletet e madhësisë 10.5 janë të reja në kutinë e tyre dhe vijnë me një palë lidhëse të kuqe, tha Sotherby’s, por ato tregojnë disa shenja plakjeje, duke përfshirë zverdhjen rreth shputave të mesit dhe tek ngjitësit, si dhe shenja të lehta në pjesën e gishtave.

Kjo palë atlete nuk është produkti i parë vintage i Apple që është shitur për një shumë marramendëse muajt e fundit.

Një iPhone i edicionit të parë të vitit 2007 u shit për më shumë se 190,000 dollarë në ankand muajin e kaluar, duke tejkaluar shumë vlerësimin e ankandit, ndërsa një palë sandale të vjetra Birkenstock në pronësi dhe të veshura nga bashkëthemeluesi i ndjerë i Apple, Steve Jobs, arritën në 200,000 dollarë në një ankand në nëntor 2022.

Edel Strazimiri / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.