Baza ushtarake e NATO-s në Portin e Durrësit – Rama pritet të takohet Stoltenberg në Bruksel

Kryeministri shqiptar Edi Rama do të takohet me shefin e NATO-s, Jens Stoltenberg në Bruksel këtë javë, për të diskutuar rreth bazë detare të kësaj aleance në Portin e ri të Durrësit, që parashikohet të ndërtohet në zonën e Porto Romanos. Kjo raportohet nga ‘Euractiv’ që evidenton se ky port pritet të përfshijë një seksion tregtar dhe një bazë detare ushtarake.

Ndërsa shpenzimet e mbrojtjes qëndrojnë në 1,5355% që nga viti 2020, Shqipëria ka qenë shtëpia e misionit të NATO-s ‘Defender 2021’. Financimi për këtë projekt do të sigurohet si nga shteti shqiptar ashtu edhe nga NATO.

“Së shpejti do të kthehemi në Bruksel për të vazhduar diskutimet në lidhje me propozimin tonë…për instalimin e një baze detare të NATO-s në portin e ri në Durrës”, tha Rama pak ditë më parë.

Rama tha se qeveria e tij i kishte ofruar NATO-s baza të tjera detare si ajo e  Pashalimanit në jug të vendit. NATO po transformon gjithashtu një ish bazë ajrore ushtarake 350 hektarësh të epokës komuniste në Kuçovë, e njohur më parë si Qyteti i Stalinit. Punimet e rindërtimit filluan në janar në vlerën 50 milionë euro, me bazën që do të jetë funksionale në vitin 2023. Ajo do të sigurojë magazinimin e municioneve dhe do të veprojë si një qendër karburanti, dhe po punohet për ndërtimin e njësive të reja magazinimi, restaurimin e pistës. , dhe modernizimin e kullës ekzistuese të kontrollit.

Marinela Lina /SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.