Bazë e re detare e NATO-s në Porto Romano – Rama i kërkon Aleancës të procedojë sa më shpejt për ndërtimin e saj

I ndodhur në Shkup në takimin mes liderëve të pesë vendeve anëtare të NATO-s nga Europa Juglindore, kryeministri Edi Rama, e vuri theksin në rolin e ri që duhet të ketë Aleanca e Atlantikut të Veriut në rajonin e Ballkanit Perëndimor. Ai kërkoi edhe nisjen e procedurave për ndërtimin e një baze të re detare në Porto Romano, pranë Durrësit.

Dëshiroj të theksoj edhe kërkesën që aplikimi i Shqipërisë për të bashkëfinancuar me NATO-n bazën e re detare të NATO-S në Porto Romano të procedohet sa më shpejt sepse ne besojmë shumë që çdo gjë që ndodh hap pas hapi, e përforcon vlerën strategjike të një investimi të tillë, jo thjeshtë për Shqipërinë, as thjeshtë për krejt rajonin tonë, por edhe për vete NATO-n, e cila do të fitojë një tjetër akses të shpejtë në këtë anë të Europës, për çdo rast dhe për qëllimet strategjike të mbrojtjes së përbashkët.

Në konferencën për mediat, ndër të tjera Ramna theksoi edhe faktin se Shqipëria ka përmbushur me buxhetin e vitit 2024 objektivin e financimit të mbrojtjes me 2% të Prodhimit të Brendshëm Bruto. Gjithashtu, ai theksoi edhe një herë angazhimin se Shqipëria mbetet shumë e angazhuar dhe përkushtuar për të forcuar kapacitetet dhe rritur eficiencën e forcave tona të armatosura.

SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.