BE thellon bashkëpunimin me Japoninë në lidhje me teknologjitë si inteligjenca artificiale dhe cipat!

Bashkimi Evropian sheh “konvergjencë” me Japoninë në të menduarit për inteligjencën artificiale gjeneruese (AI), tha një zyrtar i lartë të hënën.

“Unë shoh shumë konvergjencë në mënyrën se si ne e shikojmë AI dhe AI gjeneruese,” i tha Reuters në një intervistë zëvendëspresidentja e Komisionit Europian për Vlerat dhe Transparencën Vera Jourova.

BE-ja është në ballë të rregullimit të teknologjisë në zhvillim me Aktin e saj të AI-së, ndërsa Japonia po shikon udhëzime më fleksibël sa blloku për të nxitur rritjen ekonomike, ka raportuar Reuters.

BE-ja dhe Japonia po thellojnë bashkëpunimin mbi teknologjitë si inteligjenca artificiale, siguria kibernetike dhe çipat që shihen si të rëndësishme për sigurinë ekonomike.

“Kam qenë kohët e fundit në Kinë dhe është një gjë krejtësisht ndryshe. Mund të diskutoj me partnerët tanë japonezë sepse nuk kemi pse t’i shpjegojmë njëri-tjetrit gjërat themelore,” tha Jourova në margjinat e një forumi mbi qeverisjen e internetit në Kioto.

Grupi i Shtatë fuqive industriale po diskuton udhëzimet për AI gjeneruese, një teknologji që po përballet me entuziazëm dhe shqetësim, sipas një procesi të vendosur në Hiroshima.

Diskutimet janë në rrugën e duhur për të nisur konsultimet mbi një kornizë për AI, por një kod sjelljeje për kompanitë e përfshira në AI ka nevojë për punë të mëtejshme, tha Jourova.

Edel Strazimiri / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.