Beteja e vështirë kundër evazionit fiskal – 25% e pasurisë financiare “offshore” në botë mbetet e pataksuar

Mënyrat e shumta në të cilat të pasurit dhe kompanitë shumëkombëshe mund të shmangin taksat kanë qenë prej kohësh të njohura. Megjithatë, së fundmi situata është duke u përmirësuar. Një raport i ri mbi evazionin fiskal global nga ‘Observatori Tatimor i Bashkimit Europian, i bazuar në punën e më shumë se 100 studiuesve, përfshin disa praktika qartësisht të paligjshme, të tilla si fshehja e të ardhurave nga llogaritë bankare ‘offshore’, si dhe praktikat e kursimit të taksave në zona gri, të tilla si zhvendosja e fitimeve në kompani të huaja guackë dhe konsolidimi i kompanive mbajtëse ose trusteve për të menaxhuar pasurinë personale.

Por në këtë aspekt më në fund vijnë lajme të mira. Shkëmbimi i informacionit midis vendeve ishte një zhvillim i madh, i cili erdhi nga dy burime: së pari, Akti i Përputhshmërisë së Taksave me Llogarinë e Jashtme të SHBA-së i vitit 2014 kërkon që të gjitha bankat, kudo që janë, të raportojnë lëvizjet e llogarive të taksapaguesve amerikanë dhe së dyti, OECD, i lançuar në vitet 2017-2018, parashikon shkëmbimin automatik të informacionit bankar.

Si rezultat, tani është më e vështirë për të pasurit të nëndeklarojnë pasurinë financiare dhe kjo formë e evazionit fiskal është reduktuar. Vetëm në vitin 2022, pothuajse 12.6 trilionë dollarë të pasurisë offshore iu deklaruan taksave të huaja nëpërmjet këtij mekanizmi. Megjithatë, raporti i Observatorit Europian vlerëson se pothuajse 25% e pasurisë financiare ‘offshore’ në botë mbetet e pataksuar. Jo të gjitha institucionet financiare përmbushin kërkesat e raportimit dhe SHBA, e cila përfshin autoritete të veçanta tatimore shtetërore, nuk merr pjesë në shkëmbimin e OECD.

Raporti vë në dukje se normat midis manjatëve të botës arrijnë në vetëm 0%-0.5% të pasurisë së tyre, kryesisht për shkak se ata përdorin kompani guackë për të shmangur taksat. Zgjidhja e qartë është vendosja e një takse vetëm për miliarderët me pasuri në dollarë. Edhe një normë tatimore relativisht e ulët prej 2% do të mblidhte rreth 250 miliardë dollarë në vit nga më pak se 3 mijë. Një nismë tjetër e OECD-së, për të kontrolluar konglomeratet shumëkombëshe që zhvendosin fitimet në vendet me taksa të ulëta ose pa taksa, nuk ka bërë mjaftueshëm. Norma e rënë dakord prej 15% ishte shumë më e ulët se mesatarja ndërkombëtare. Kështu, shumëkombëshet vazhduan të përfitonin nga deklarimi i fitimeve në parajsat fiskale.

Dorina Kurtaj / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.