Biden feston fitoren e reformës ekonomike – “Akti i reduktimit të inflacionit është transformues”

Në përvjetorin e parë të hyrjes në fuqi të “Aktit të Reduktimit të Inflacionit”, presidenti i Shteteve të Bashkuara të Amerikës, Joe Biden, festoi fitoren që ka të ngjarë të jetë një panoramë paraprake e mesazhit të fushatës së tij elektorale gjatë vitit të ardhshëm.

Në një festë në Shtëpinë e Bardhë, Biden e cilësoi faturën prej 740 miliardë dollarësh për klimën, shëndetin dhe taksat si një nga “ligjet më të rëndësishme” të miratuara ndonjëherë.

Ai theksoi se fitorja u shënua duke marrë përsipër interesat e veçanta. Biden u shpreh se premtimet kryesore të administratës së tij janë realizuar, si për shembull: ulja e kostove për familjet, veçanërisht kostot e kujdesit shëndetësor; rritja e sigurisë energjetike të Amerikës; rivendosja e drejtësisë në një kod tatimor; krijimi i vendeve të punës me pagesë të mirë në Amerikë; dhe adresimi i kërcënimeve të mundshme nga kriza klimatike.

I rrethuar nga njerëz për të cilët Shtëpia e Bardhë tha se kishin përfituar nga ligji, Biden mbajti një fjalim dhe pasqyroi strategjinë e tij të fushatës të vitit 2024: të bindë votuesit se tendencat pozitive më të gjera ekonomike po i ndihmojnë ata në një nivel individual. – duke marrë meritat për ‘të.

Shtëpia e Bardhë e ka quajtur politikisht qasjen “Bidenomics”. Sipas presidentit, “Bidenomics” është ankoruar në atë që ka funksionuar gjithmonë më mirë për vendin, investimi në Amerikë, investimi tek amerikanët.

Por, pavarësisht disa treguesve pozitivë ekonomikë, sondazhet kanë treguar se Biden vazhdon të humbasë mbështetje në elektorat për sa i përket politikës ekonomike që po ndjek aktualisht administrata e tij.

Dorina Kurtaj / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.