Bitcoin-et tuaja janë të ngrira: Binance ka pezulluar tërheqjen e parave!

Shkëmbimi më i madh i kriptove Binance njoftoi pezullimin e tërheqjes së fondeve nga klientët për shkak të një sulmi hakeri në platformën Ankr, një ofrues i infrastrukturës së decentralizuar Web3 që ndihmon në ndërveprim me zinxhirë të shumtë të bllokut.

Sulmi u njoftua në Twitter nga kreu i Binance, Changpeng Zhao. Sipas tij, shërbimi Ankr mund të jetë hakuar, si dhe Hay, i cili është i ngjashëm me të. Analiza tregoi se çelësi privat i zhvilluesit ishte komprometuar dhe hakerët përditësuan kontratën inteligjente të sistemit në një kontratë me qëllim të keq.

Zhao vuri në dukje se Binance ka pezulluar tërheqjet. Kjo nënkupton ngrirjen e rreth 3 milionë dollarë, të cilat hakerat i transferojnë në një shkëmbim të centralizuar të kriptomonedhave me qëllim tërheqjeje.

Sulmin e njoftoi edhe platforma Ankr. “Tokeni ynë aBNB është hakuar dhe aktualisht po punojmë me shkëmbimet për të ndaluar menjëherë tregtimin,” tha shërbimi në profilin e tij në Twitter.

Edel Strazimiri / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.