Bitcoin, i qëndrueshëm pranë 28,500 USD – Prokurorja e Nju Jorkut padit tre kompani të kriptomonedhave

Bitcoin po qëndron në rritje të lehtë në sesionin e sotëm, ndërsa kriptomonedhat e tjera publikojnë humbje modeste. Prokurorja e Përgjithshme e Nju Jorkut, Letitia James, paditi të enjten firmat e kriptomonedhave Genesis Global dhe kompaninë e saj mëmë, Digital Currency Group, si dhe Gemini për “mashtrim” të investitorëve prej më shumë se 1 miliard dollarë.

Ky zhvillim nënvizon sfidat me të cilat përballet industria e kriptomonedhave, rreth një vit pas falimentimit të platformës së këmbimit FTX, të Sam Bankman-Fried. Nëpërmjet padisë, Prokurorja e Përgjithshme po kërkon kompensim për investitorët dhe ndalimin e operacioneve për të treja kompanitë nga industria e investimeve financiare në Nju Jork.

Në qendër të padisë është një program që Gemini drejton në partneritet me Genesis, i quajtur “Gemini Earn”. Programi i lejon klientët t’i huazonin asete në kripto kompanisë Genesis. Ndërkohë, edhe investitorët në tregun e kriptomonedhave po presin fjalimin që do të mbajë më vonë gjatë ditës së sotme, shefi i Rezervës Federale, Jerome Powell.

SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.