Bizneset, “të lodhura” nga inspektimet e panumërta: “Të ulet numri i inspektorateve dhe të ketë sistem karriere”!
Sipërmarrjet kërkojnë nga qeveria që të përfundojë sa më shpejt reforma në fushën e inspektimit, me qëllim reduktimin e inspektoriateve, uljen e numrit të inspektimeve në biznes si dhe emërimin e tyre në bazë karriere dhe jo emërime politike.
Gjobat dhe inspektimet e shumta në numër janë konsideruar si një shqetësim kryesor i kompanive që operojnë në Shqipëri.
Në tryezën e mbajtur për këtë qëllim, Inspektori i Përgjithshëm, Shkëlqim Hajdari bëri me dije se shqetësimet e biznesit po adresohen dhe së shpejti kjo reformë do të përmbyllet.
Refroma në fushën e inspektimit ka nisur tre vite më parë, ku deri më tani janë bërë hapa që lidhen me inspektimet on line bazuar në metodologjinë e analizës së riskut, me dokumente standard, me sisteme gjurmimi dhe në prani të biznesit.
Elisabeta Dosku / SCAN
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.