Blerje pa taksa për të huajt në Britani? – “Taksa turistike” po redukton të ardhurat në Mbretërinë e Bashkuar

Ekspertët paralajmërojnë se “taksa turistike” shumë e kritikuar në Britaninë e Madhe po bën që vizitorët e huaj të marrin më pak para’ kur janë në Mbretërinë e Bashkuar, – në një kohë që nivelet e shpenzimeve në Francë, Spanjë, Itali dhe Gjermani rriten.

Ekspertët e industrisë i kanë cilësuar zbulimet e tyre më të fundit si ‘shqetësuese’Kryeministri i vendit Rishi Sunak u përball me presion të ri për të rikthyer blerjet pa taksa për pushuesit, pasi të dhënat e reja treguan se turizmi nuk është rikuperuar ende në nivelet para pandemisë. Statistikat zyrtare zbuluan se vizitat hyrëse në Mbretërinë e Bashkuar u ulën me 7 % në tetor deri në dhjetor të vitit të kaluar, krahasuar me të njëjtën periudhë të vitit 2019. Ekspertët e industrisë thanë se të dhënat e Zyrës për Statistikat Kombëtare ishin shqetësuese dhe paralajmëruan se heqja e blerjeve pa taksa ka të ngjarë të jetë një faktor kryesor.

Më shumë se 200 drejtues biznesi nga të gjithë sektorët e shitjes me pakicë, mikpritja dhe turizmi, dhe dhjetëra deputetë – përfshirë dy ish-kancelarë – kanë shprehur mbështetjen e tyre.

Të dhënat treguan se Mbretëria e Bashkuar mirëpriti 31.2 milionë vizitorë në vitin 2022 – 24 % më pak krahasuar me vitin 2019. Shpenzimet e vizitorëve u ulën gjithashtu me 7 % në 26.5 miliardë paund në 2022 – shin – por kur merret parasysh inflacioni, shpenzimet e vizitorëve ishin 17 % nën nivelet e vitit 2019.

Të dhënat e publikuara në fillim të këtij viti treguan se nivelet e shpenzimeve në Francë dhe Spanjë ishin më shumë se tre herë më të larta se para Covid-it, ndërsa shpenzimet ishin më shumë se dyfishi i niveleve të vitit 2019 në Itali dhe Gjermani.

Thesari pretendon se rivendosja e blerjeve pa taksa do të kushtonte 2 miliardë paund në vit, por studimet e fundit sugjerojnë se do të kishte një fitim neto prej rreth 350 milionë paund në vit për shkak të përfitimeve të tjera. Aktivistët thonë se turistët shtesë që do të tërhiqen nga Britania do të shpenzojnë në të gjithë ekonominë dhe vendin – duke gjeneruar të ardhura nga taksat e veçanta.

Dorina Kurtaj / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.