Bonot e thesarit e nisin majin me rënie, zbresin në 3.75% – Shuma e shpallur nga Ministria e Financave 90 Mln Usd, kërkesa e investitorëve 140 Mln Usd

Maji ka shënuar rënien e rqadhës të normave të interesit të bonove të thesarit me afat maturimi një vjeccar duke i dhënë fund një rritje të shkurtër që ato shënuan pasi në fillim të këtij viti Banka e Shqipërisë rriti në 3% normën bazë. Në ankandin e parë për muajin maj, ato u shitën me yeldin mesatar prej 3.75% nga 3.82% që shënuan në ankandin e mesit të prillit.

Ka shumë të ngjarë që kërkesa shumë e lartë për të blerë këtë instrument të ketë qenë një prej faktorëve që ulën normën në këtë masë. Qeveria ka shpallur një shumë prej 8.9 miliardë lekësh, afërisht 90 milionë dollarësh, ndërkohë që totali i ofruar nga investitorët ka qenë rreth 140 milionë dollarë. Në ankandin e prillit shuma e vënë në dispozicion nga investiorët ishte rreth 120 milionë dollarë, për të njëjtën shumë të shpallur nga Ministria e Financave.

Një pjesë tjetër e rënies i dedikohet rritjes së normave të interesit të depozitave nga ana e sistemit bankar, konkurrente të drejtpërdrejta të bonove të thesarit. Nga të dhënat zyrtare të Bankës së Shqipërisë muajte e parë të këtij viti, rezultuaninteresa deri në 3.5% për depozitat dy vjeçare. Po ashtu, disa banka propozojnë interesa mbi 3.5% për depozita me afat mbi 60 muaj.

Për depozitat me afat 1 vjeçar gjenden në treg oferta deri 3%. Kjo tendencë ka shtyrë veçanërisht individët të transferojnë kursimet drejt depozitave me afat, duke u kthyer kështu në konkurrente të letrave me vlerë të qeverisë. Ndërkohë është edhe një shenjë që tregon se investitorët nuk presin rritje tjetër të normës bazë të interesit nga ana e Bankës së Shqipërisë.

Lorenc Rabeta/SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.