British American Tobacco paralajmëron “lamtumirën” – Tregu i saj tradicional nuk ka të ardhme afatgjatë
British American Tobacco konfirmoi se do të regjistrojë një humbje prej rreth 31.5 miliardë dollarë pasi të rivlerësonte disa marka të cigareve amerikane, duke pranuar se tregu i saj tradicional nuk ka të ardhme afatgjatë.
Lëvizja e BAT vjen pasi rregullimi gjithnjë e më i rreptë dhe ndërgjegjësimi në rritje për rreziqet shëndetësore shtrëngojnë biznesin tradicional të kompanive të duhanit, duke shkaktuar rënie në vëllimet e cigareve në disa tregje.
Kreu i Kërkimeve të Aksioneve në Quilter Cheviot, Chris Beckett, tha se e ardhmja për kompanitë si BAT do të varet nga sa shpejt mund të lëvizin drejt zëvendësimit të produkteve tradicionale me alternativa në një mënyrë fitimprurëse.
Prodhuesi i cigareve Lucky Strike dhe Dunhill vuri në dukje gjithashtu sfidat ekonomike në SHBA, ku disa konsumatorë të lodhur nga inflacioni po iu drejtohen markave më të lira dhe rritja e vape – ve të paligjshme ushtrojnë presion mbi divizionin e saj të cigareve në SHBA.
Këta faktorë, të kombinuar me largimin më të gjerë nga pirja e duhanit, nënkuptojnë se do të duhet një rregullim i ri i mënyrës se si trajtohen disa nga markat e saj amerikane në bilanc, duke e zhvendosur vlerën e tyre në një jetëgjatësi të kufizuar prej 30 vjetësh.
Kjo do të rezultojë në një tarifë zhvlerësimi prej rreth 31.50 miliardë dollarë. Markat e saj Neëport, Camel, Pall Mall dhe Natural American Spirit janë më të prekurat nga kjo goditje.
Aksionet e BAT ranë me më shumë se 8% në tregtinë e hershme në nivelet më të ulëta 4-1/2 vit, duke ‘fshirë’ rreth 4 miliardë paund të vlerës së kompanisë. Ashtu si rivalët, BAT ka investuar shumë në alternativat e pirjes së duhanit si vape – t.
Ajo po ushqen një ambicie të re për të gjeneruar 50% të të ardhurave të saj nga lëndët jo të djegshme deri në vitin 2025 dhe tha se tani pret që biznesi i saj nga ‘kategori të reja’ të tilla të thyhet në vitin 2023, një vit përpara parashikimit aktual.
Dorina Kurtaj /SCAN
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.