Burimet e reja për furnizimin me gaz – Italia dhe BE synojnë mbështetje nga Egjipti dhe Izraeli

Çmimi aktual i gazit në tregun europian është në kuotën e 100 euro për megavat orë. Rritja e cmimit ka disa arsye: nga reduktimi i furnizimit me gaz nga Gazprom nëpërmjet Nord Stream 1; si dhe nga lajmi që flukset e gazit të lëngshëm në Teksas ka ndaluar për Europën. Në një moment që lufta energjitike shqetëson gjithnjë e më shumë Europën, vijojnë kërkimet për partnerë të rinj për furnizimin me gaz.

Egjipti dhe Izraeli janë aktualisht në qendër të vëmendjes. Kompania energjitike italiane ENI është në bisedime për të rritur importin e gazit nga Egjipti në Itali dhe në Europë. Kolosi italian ka një marrëveshje aktuale me kompaninë energjitike egjiptiane EGAS për të shtuar flukset e gazit natyror të lëngshëm drejt Europës me 3 miliard metra kub në vit.

Marrëveshja e re e mundshme do të nënkuptonte që Egjipti të rrisë kapacitetet e eksportit në Itali më shumë se vlera aktuale brenda dy viteve të ardhshme. Ndër të tjera Bashkimi Europian ka firmosur një memorandum marrëveshjeje me Egjiptin dhe Izraelin për gazin e lëngshëm izraelit që kalon në impiantet egjiptiane të përpunimit para se të dërgohet në Europë.

Synimet energjitike europiane në Izrael kanë si objektiv kabllon elektrike që lidh Izraelin me Qipron dhe Greqinë, si dhe një gazsjellës për gaz natyror dhe hidrogjen në lindje të Mesdheut.

Për sa i përket Italisë, Tel Aviv është thelbësor për të shfrytëzuar Leviathan, një rezervë shumë e madhe 130 kilometra larg nga Haifa në zonën ekonomike eksluzive që kufizohet me rezervën Zhor në Egjipt, që është zbuluar nga kompania italiane energjitike ENI.

Parashikohen rezerva deri në 600 miliard metra kub, që do të bëheshin 900 duke iu shtuar rezervës Tamar, që është aktive që nga 2013.

SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.