Bursat e nisin dhjetorin në rritje – Gjatë nëntorin realizuan muajin më të mirë që nga janari

Bursat europiane e kanë filluar në rritje edhe sesionin e parë të muajit dhjetor, ndërsa gjatë nëntorit realizuan fitimet më të mëdha që nga janari i këtij viti. Indeksi pan-Europian Stoxx 600 po qëndron në rritje me rreth 0.4%, ndërsa sektori minerar kryeson fitimet, në rritje me 3.4%, pasi sektori i prodhimin në Kinë regjistroi një zgjerim surprizë gjatë nëntorit.

Indeksi Stoxx 600 u rrit me 6.45%, gjatë nëntorit. Tregjet vijojnë të mbështeten nga të dhënat mbi inflacionin në Eurozonë, që u publikuan të enjten, dhe treguan se rritja e çmimeve u ngadalësua në 2.4% në nëntor, nga 2.9% që ishte në tetor.

Zyrtarët e Bankës Qendrore Evropiane kanë kundërshtuar vazhdimisht parashikimet e investitorëve për ulje të normave të interesit vitin e ardhshëm, duke këmbëngulur se është shumë herët për të diskutuar këtë temë.

Megjithatë, shifrat e fundit sugjerojnë se BQE-ja mund të ketë nevojë të rishikojë parashikimet e saj të inflacionit dhe nxitën pritshmëritë se ulja e parë e interesave mund të vijë në muajin prill të vitit 2024. Edhe në SHBA, ftohja e inflacionit dhe shenjat e elasticitetit të ekonomisë, kanë bërë që aksionet të rriten dhe interesat e obligacioneve të bien.

Analistët vlerësojnë tashmë se Rezerva Federale mund t’i ulë plot pesë herë normat e interesit, gjatë vitit të ardhshëm. Të dhënat e publikuara të enjten treguan se, Indeksi i Shpenzimeve të Konsumit Personal ra në 3.5%, gjatë nëntorit, ndërsa aplikimet për përfitimin e asistencës së papunësisë u rritën në nivelin më të lartë në 2 vjet.

SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.