Bursat europiane, në rritje të lehtë – Investitorët të fokusuar te situata në Itali. Presidenti refuzon dorëheqjen e Draghit

Bursat europiane janë hapur në rritje të lehtë në sesionin e sotëm, pavarësisht projeksioneve për ngadalësimin e ekonomisë globale. Indeksi pan-Europian Stoxx 600 e ka nisur ditën në rritje me 0.4%, me shumicën e sektorëve që janë në territor pozitiv.

Në Azi, tregjet kineze realizuan humbje, pasi Prodhimi i Brendshëm Bruto në vend rezultoi poshtë parashikimeve të analistëve. Ekonomia e dytë më e madhe në botë u rrit me vetëm 0.4% në tremujorin e dytë të këtij viti, kryesisht për shkak të masave kufizuese për të mbajtur nën kontroll Covid-19.

Analistët e anketuar nga Reuters parashikonin një rritje prej 1%. Ndërkohë, në Ëall Street kontratat “futures” po qëndrojnë në rritje në sesionin e fundit të javës, pavarësisht se fitimet tremujore të disa korporatave rezultuan poshtë parashikimeve të analistëve. Investitorët do të jetë në pritje të zhvillimeve në Itali, pasi presidenti Sergio Mattarella refuzoi dorëheqjen e kryeministrit, Mario Draghi.

Ai tha se do të japë dorëheqjen sepse një parti politike e koalicionit refuzoi të marrë pjesë të votëbesimin e Draghit ditën e djeshme. Por, presidenti Mattarella e refuzoi dorëheqjen e kryeministrit dhe i kërkoi atij t’i adresohet parlamentit, në mënyrë që të marrë një panoramë më të qartë mbi situatën politike në vend.

SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.