Censi i popullsisë dhe banesave, 5240 anketues në terren – Nis në 18 shtator, Dhuli: Të dhëna mbi karakteristikat demografike, sociale e ekonomike

5240 anketues do të trokasin derë më derë, nga data 18 shtator për mbledhjen e të dhënave në funksion të Censit të Popullsisë dhe Banesave.

Në Konferencën hapëse drejtoresha e Institutit të Statistikave, Elsa Dhuli bëri me dije detajet e procesit të regjistrimit, që përfshin në total 7500 persona, duke theksuar se në përfundim do të ofrohen të dhëna për popullsinë rezidente, mbi karakteristikat demografike, sociale, ekonomike në nivel të detajuar gjeografik.

I pranishëm në konferencë ishte edhe kryeministri, Edi Rama që kërkoi kryerjen e një procesi sipas standardeve europiane.

Ky do të jetë censi i 12-të në historinë e Shqipërisë, i cili vjen 100 vjet pas censit të parë, zhvilluar në vitin 1923. Ndërkohë që, të dhënat e fundit u mblodhën në procesin e realizuar në vitin 2011.

Ola Mitre /SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.