Çfarë përfitimesh sjell Censi për ekonominë? – Xhepa: Diagnozë e situatës reale të vendit dhe politika konkrete  

Censi i popullsisë dhe banesave do të fillojë më 18 Shtator dhe pas 12 vitesh do të sigurohen të dhëna mbi karakteristikat demografike, sociale, ekonomike në nivel të detajuar gjeografik në vend. Por cilat janë përfitimet për ekonominë nga ky proces?

Në një intervistë për SCAN TV, eksperti i ekonomisë Selami Xhepa, thekson se në përfundim do të ketë një diagnozë të problematikave, situatës reale social-ekonomike dhe shkaqeve të emigrimit, mbi të cilat mund të ndërmerren politikat e duhura.

Por pavarësisht të dhënave që do të gjenerohen, eksperti Xhepa tregon skepticizëm në përkthimin e tyre në reforma të mirëfillta nga qeveria, për të ndryshuar situatën.

Ky do të jetë censi i 12-të në historinë e Shqipërisë, i cili vjen 100 vjet pas censit të parë, zhvilluar në vitin 1923. Ndërkohë që, të dhënat e fundit u mblodhën në procesin e realizuar në vitin 2011.

Elisabeta Dosku/ SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.