Çfarë po ndodh në tregun valutor? – ‘Rrënohet’ Paundi britanik ndërsa Euro dhe Franga rikuperojnë pikë!

Dollari amerikan vijon të qëndrojë nën 90 lekë edhe këtë mëngjes teksa është blerë sot ne raport me një ditë më parë me 89.6 lekë dhe është shitur me 90.8 lekë duke mos pësuar luhatje të ndjeshme.

Monedha europiane edhe pse vijon të ndjekë një kurbë rënëse prej disa kohësh tashmë ka regjistruar një rritje të lehtë të vlerës teksa është blerë këtë të enjte me 100.7 lekë dhe është shitur me 101.6 lekë.

Sipas kursit të këmbimit lokal edhe Franga zvicerane ka pasur mëngjesin e sotëm një rritje të vlerës krahasuar me ditën e mërkurë teksa është blerë sot me 104 lekë dhe është shitur me 105.5 lekë.

Paundi britanik sakaq ka vijuar të humbasë ndejshëm pikë edhe këtë mëngjes pasi në raport me dje ka humbur rreth 0.4 pikë duke u blerë sot me 115.2 lekë dhe duke u shitur me 117.2 lekë referuar tregut të brendshëm valutor.

SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.