Çfarë punonjësish kërkohen më shumë në Shqipëri? – Qytetet bregdetare vijojnë në “krizë” për kamarierë

Teksa sezonit turistik veror po afron, strukturat akomoduese si dhe subjektet turistike po përgatiten për infrastrukturën në sektorin e shërbimeve.

Qeveria shqiptare ka lobuar për të tërhequr sa më shumë turistë të huaj, për të arritur shifrën e 15 milion turistëve që të vizitojnë Shqipërinë, por nga ana tjetër strukturat akomoduese duket se nuk janë të forcuar përsa i përket strukturave të shërbimit.

Referuar publikimeve në Agjencinë Kombëtare të Punësimit dhe Aftësive, në dy javët e fundit, qytetet bregdetare kanë shtuar kërkesën për stafet e shërbimit, e ku kryesojnë kamerierët.

Sipas renditjes në Agjencinë Kombëtare të Punësimit dhe Aftësive, qytetet si Durrësi, Vlora dhe Saranda kanë listimet më të shumta duke arritur në 30 ofrime pune në pozicionin e kamerierit në bare si dhe restorante.

Pavarësisht se mund të jetë një ndër punët që shumë pak është e preferuar nga të rinjtë, mungesa e punonjësve ka sjellë rezultatet që pagat të arrijnë deri në një milionë lekë.

Puna sezonale në Shqipëri kryesisht kërkohet në sektorin e shërbimit, në bare dhe restorante por pavarësisht se në këtë sektor u punësuan punonjës të huaj në sezonin e kaluar, rezultatet nuk ishin të njëjta pasi nuk ofronin standardin e duhur për pushuesit.

Diamila Leka/ SCAN

 

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.