Publikohet tenderi për qendrat italiane të emigrantëve në Shqipëri – Roma do të shpenzojë 34 milionë euro në vit në tre qendra të tilla
Departamenti i Prefektit të Romës ka publikuar njoftimin për tenderat për tre qendra italiane të emigrantëve në Shqipëri, sipas marrëveshjejes së arritur nga Roma dhe Tirana vitin e kaluar.
Njoftimi i referohej dy qendrave të pritjes të migrantëve dhe një qendre për mbajtjen e emigrantëve në pritje të riatdhesimit për një shpenzim total prej gati 34 milionë euro në vit. Qendrat do të jenë funksionale brenda datës 20 maj të këtij viti.
Marrëveshja, e nënshkruar nga kryeministrja italiane Giorgia Meloni dhe homologu i saj shqiptar Edi Rama në Romë në nëntor, parashikon pritjen dhe e deri në 3.000 emigrantëve dhe refugjatëve të shpëtuar nga anijet italiane në muajt e fundit.
Njerëzit me nevoja të veçanta si të moshuarit, fëmijët ose gratë shtatzëna, emigrantët dhe refugjatët që janë shpëtuar nga anijet e drejtuara nga OJQ-të dhe njerëzit që zbarkojnë drejtpërdrejt në tokën italiane përjashtohen nga kjo marrëveshje.
Që nga marrja e detyrës në vjeshtën e vitit 2022, qeveria Meloni ka kontaktuar vendet e treta në një përpjekje për të frenuar emigrimin e paligjshëm nga deti drejt Italisë, i cili në vitin 2023 u rrit me rreth 50% krahasuar me një vit më parë. Disa vende të tjera të Bashkimit Europian janë shprehur se ky është një model që mund të ndiqet dhe nga ato.
Dorina Kurtaj /SCAN
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.