Cilat janë pasojat në treg nga çmimet e referencës? – Gjoka: Pronarët e banesave të vjetra ta shikojnë si favor, nuk sjell rritje çmimesh

Amortizimi i çmimeve të referencës me 1 për qind për çdo vit vjetërsie të banesës për efekt të transaksioneve, pritet të sjellë efekte pozitive në tregun e pronave. Eksperti i pasurive të paluajtshme, Gjin Gjoka, në një intervistë për SCAN TV, thekson se do të ketë më shumë apartamente të vjetra në tregun e investimeve.

Sipas tij, është zona ajo që shet dhe vendos çmimin sipas vlerës së tregut dhe kjo iniciativë nuk pritet të sjellë rritje artificiale të çmimeve për apartamentet e reja.

Gjoka thekson se në kuadër të ndërhyrjeve që po bën qeveria në tregun e pronave, kërkohet edhe ulje e taksës së kalimit të pronësisë në 7.5 %, një iniciativë që do të nxiste shitjet.

Ministria e Financave ka hartuar udhëzimin, sipas të cilit, pavarësisht çmimit të përgjithshëm të referencës që ka një zonë,  banesave do tu zbritet 1 % për çdo vit vjetërsie.

Elisabeta Dosku/ SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.