Cilët janë 4 sektorët ku të huajt po “hedhin” më shumë para’? – Pasuritë e paluajtshme po i afrohen vendit të tretë. 1.6 mld euro investime

Sektori i pasurive të paluajtshme në Shqipëri po del në pah gjithnjë e më shumë si një ndër sektorët që po tërheq më shumë investitorë të huaj. Aktualisht, ky sektor pozicionohet në vend të katërt, duke qenë shumë afër vendit të tretë sa i përket volumit të parave që po investohen në të.

Referuar të dhënave të Bankës së Shqipërisë, rezulton se  në dy vitet e fundit ka rritje të konsiderueshme në përqindje, të investimeve të huaja direkte. Rritja e vitit 2021 ishte 8 % ndërsa në vitet 2022 dhe 2023 investimet e huaja direkte pësuar një rritje të konsiderueshme duke arritur përkatësisht nivele 18 dhe 20 %.

Por cilët janë sektorët ku po investohet më shumë?

Referuar të dhënave të Bankës së Shqipërisë, sektori me stokun më të madh të investimeve të huaja është sektori i energjisë, gazit dhe avullit ku gjatë vitit të kaluar janë investuar 3.3 miliardë euro. Në vend të dytë, është sektori i industrisë nxjerrëse ku janë investuar 2.2 miliardë euro.

Ndërkohë, në vend të tretë është sektori i aktiviteteve financiare dhe sigurimit, me 1.6 miliardë euro ndërsa në vend të katërt janë aktivitetet e pasurive të paluajtshme, me po 1.6 miliardë euro, raporton SCAN.

Ndryshe nga sa ndodh me sektorët e tjerë, rezulton se sektori i pasurive të paluajtshme vitet e fundit po njeh një rritje të fortë të tërheqjes së investimeve nga jashtë.

SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.