Kush prish konkurrencën në biznesin shqiptar? – Gjokutaj: Edukimi financiar duhet të nisë që në sistemin arsimor

Këshilli i investimeve në raportin e tij të fundit ka dalë në konkluzionin që një në shtatë kompani perceptojnë ekzistencën e informalitetit në vend. Në emisionin Ekonomia 3D u diskutua rreth faktorëve që ndikuan në shtimin einformalitetit.

Dhe sipas ekspertëve faktorët janë të shumtë që nxisin informalitetin, duke nisur nga barra fiskale në nivel qëndror deri të kontrollet tatimore. Por referuar perceptimit të biznesit, konkurrenca e pandershme është identifikuar si faktori kryesor që nxit informalitetin edhe në 2024.

Eduart Gjokutaj Ekspert Ekonomie:

“Konkurrenca e brendshme në vend vjen për shkaqë që në përgjithësi është stimuluar pjesa jo e prodhimit, me politika jashtë fiskale tashmë, dhe politika rregullatore dhe janë favorizuar importet. Po të shohim bujqësinë dhe sektorë të tjerë janë tëfavorizuar nga importet dhe nuk janë mbajtur politika të tilla që të favorizojnë prodhimin. Kështu prish konkurrueshmërinë në treg.”

Sipas ekspertit gjokutaj, fushata ndaj informalitetit duhet të nisë që nga institucionet e ngarkuara për ta bërë me përpikmëri.

“Së pari ato që janë institucione të ngarkuara kanë detyrën primare për të ruajtur kufijtë e ligjit në zbatueshmërinë e tyre. Unë do këshilloja që bizneset duhet të ishin aletatët më të ngushtë të administrative tatimore vendore të cilat pothuajse janë jashtë loje në aspektin e evazionit dhe informalitetit.”

Sipas Gjokutajt eduktimi financiar kundër informalitet i cili mungon, duhet të nisi që nga sistemi arsimor e për të vijuar më tej për të zhvilluar kulturën fiskale sepse do të ul kostot në administrimin e informalitetit.

Diamila Leka/SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.