Cili do të jetë “testi i provës” për kryebashkiakët e rinj? – Farrici: Bashkitë duhet të shkojnë përtej funksionit vetëm si njësi shërbimi
Kryebashkiakët që do të mandatohen për 4 vitet e ardhshme, do të përballen më sfida nga më të ndryshmet, por testi kryesor do të jetë për ata që zgjidhen për herë të parë në krye të një bashkie.
Në një intervistë për SCAN, Drejtoresha Ekzekutive e Shoqatës për Autonomi Vendore, Adelina Farrici, thekson se përballja me gjendjen reale të njësisë vendore që do të administrojnë, në raport me projektet që kanë lançuar gjatë fushatës, do të jetë testi kryesor i tyre.
Nga ana tjetër, sipas saj ka ardhur koha që bashkitë të mos shihen vetëm si njësi shërbimi, por të kalojnë përtej këtij formati.
Farrici thekson se tashmë qytetarët janë më të informuar mbi atë çka mund të ofrojnë bashkitë dhe me të qartë se cilat nga premtimet e fushatës janë më të arritshme dhe cilat jo.
Elisabeta Dosku/ SCAN
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.