Çmimet e naftës regjistrojnë rënie të lehtë – Në fokus mbeten kriza bankare dhe kërkesa në ekonominë kineze

Çmimet e naftës së papërpunuar u “tërhoqën” të martën pas rritjes së seancës së mëparshme, me tregjet të fokusuara në zhvillimet në krizën bankare dhe tregues të forcimit të kërkesës në Kinë.

Çmimet u lehtësuan pasi u rritën me ritmin më të shpejtë në më shumë se katër muaj të hënën. Nafta e papërpunuar amerikane ra me 4 cent, në 72,77 dollarë, ndërsa  kontratat e së ardhmes së naftës Brent ranë me 30 cent, në 77.82 dollarë për fuçi.

Sipas analistëve, megjithëse rreziqet mbeten në sistemin bankar, ulja e blerjeve të naftës së papërpunuar mund të jetë tendenca mbizotëruese në periudhë afatshkurtër.

Çmimet u rritën në seancën e një dite më parë pasi Turqia ndaloi pompimin e naftës së papërpunuar nga Kurdistani nëpërmjet një tubacioni pas një vendimi arbitrazhi që konfirmoi se duhej marrë edhe miratimi i Irakut për transportimin e naftës.

Njoftimi i së hënës se First Citizens Banc do të blejë depozita dhe kredi të Bankës së Silicon Valley të falimentuar, nxiti optimizëm për gjendjen e sektorit bankar që ka tronditur tregjet financiare.

Çmimet e naftës gjithashtu ka të ngjarë të vazhdojnë të mbështeten nga treguesit për rikuperimin e kërkesës kineze. Importet e naftës së papërpunuar të Kinës pritet të rriten me 6.2% në vitin 2023, në 540 milionë ton.

Ndërkaq, treguesit e prodhimit dhe shërbimeve të Kinës do të jenë një shtytës kryesor ekonomik për çmimet e naftës pasi të dhënat pozitive mund të përmirësojnë më tej perspektivën e kërkesës.

Dorina Kurtaj/SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.