Çmimet europiane të gazit natyror në nivele rekord!

Kontratat e së ardhmes së gazit natyror të lidhura me TTF, çmimi me shumicë i gazit në Europë, u rritën me më shumë se 10% në mbi 270 euro për megavat orë, një rekord i ri pasi Moska njoftoi se do të mbyllte sërish tubacionin kryesor.

Gazprom i Rusisë tha se do të shkurtonte flukset përmes gazsjellësit Nord Stream në Gjermani për tre ditë mirëmbajtjeje në fund të gushtit, duke përkeqësuar shqetësimet rreth furnizimeve dhe duke rritur rrezikun e një recesioni nëse shtrydhja e gazit natyror të Rusisë zgjerohet.

Kompania shtetërore e energjisë Gazprom ka reduktuar tashmë flukset përmes tubacionit Nord Stream në afërsisht 20% të kapacitetit të saj, duke përmendur probleme me turbinat.

Për më tepër, një thatësirë historike e shkaktuar nga një verë e thatë që vendosi rekorde të nxehtësisë në të gjithë Europën kërcënon të ndalojë dërgesat e energjisë përgjatë lumit Rhine duke kufizuar prodhimin e energjisë hidroelektrike dhe bërthamore.

Edel Strazimiri / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.