Çmimet për prodhuesit e energjisë – Caktohet vlera për vitin 2024, qeveria do ua blejë me 10 lekë/kWh

Energjia e prodhuesve me përparësi të energjisë elektrike gjatë vitit 2024 do të blihet nga shteti me 10 lekë/kWh. Enti Rregullator i Energjisë ka miratuar çmimet për vitin që vjen, ndërkohë që vlera ka mbetur e pandryshuar me atë që është aktualisht.

Gjatë mbledhjes së Bordit, u bë me dije se në bazë të përllogaritjeve vlera sipas treguesve që janë pjesë e formulës rezulton të jetë më e lartë, por ky është çmimi maksimal, sipas legjislacionit në fuqi.

Vendimi i qeverisë që përcakton metodologjinë e caktimit të çmimit, vendos edhe tavanin që mund të aplikohet në këto raste. Deri në mesin e shkurtit të këtij viti çmimi tavan ishte 8.5 lekë/ kWh, por ai u ndryshua përmes një vendimi të Këshillit të Ministrave, duke u rritur në 10 lekë/ kWh.

Te prodhuesit me përparësi të energjisë elektrike futen centralet me fuqi të instaluar deri në 15 MW.

Ola Mitre / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.