“Çmimi i gazit natyror do të ulet me 30%” – Parashikimet e Goldman Sachs për tre muajt e parë të vitit 2023

Goldman Sachs parashikon që çmimet europiane të gazit natyror do të bien me rreth 30% në muajt e ardhshëm, ndërsa kombet fitojnë një avantazh të përkohshëm për sa i përket furnizimit.

Vlerësuesi Hollandez i Transferimit të Titujve (TTF) është standardi kryesor i Europës për çmimet e gazit natyror. Ai tregtohej me rreth 120 euro për megavat orë të martën. Por Goldman Sachs pret që kjo pikë referimi të bjerë në 85 euro për megavat orë në tremujorin e parë të 2023, sipas një raporti kërkimor të botuar javën e kaluar.

Kjo do të shënonte një ndryshim të rëndësishëm nga nivelet e para të gushtit. Në atë kohë, pushtimi i paprovokuar i Ukrainës nga Rusia dhe presionet e mëvonshme mbi energjinë në Europë i shtynë çmimet në shifra historike – mbi 340 euro për megavat orë.

Ulja e fundit e çmimeve të gazit ka ardhur nga disa faktorë: rezervat e gazit në Europë janë pothuajse plot për këtë sezon dimëror; temperaturat këtë vjeshtë kanë qenë më të buta se sa pritej, duke vonuar kështu fillimin e një periudhe përdorimi të dendur të ngrohjes; si dhe ka një tepricë të gazit natyror të lëngshëm.

Raportet e fundit kanë vënë në dukje rreth 60 anije që presin të shkarkojnë ngarkesën e tyre me gaz natyror të lëngshëm në Europë. Disa nga këto dërgesa u blenë gjatë verës dhe po mbërrijnë aktualisht duke mbushur magazinat. Në të vërtetë, të dhënat më të fundit të përpiluara nga grupi i industrisë “Gas Infrastructure Europe” tregojnë se nivelet e magazinimit në Evropë janë ulur në 94%.

Pavarësisht optimizmit për çmimet më të ulëta të gazit në një afat të shkurtër, i cili mund të lehtësojë një pjesë të krizës së kostos së jetesës, ka shumë presion mbi liderët europianë për të siguruar furnizime në afat të mesëm.

“Ekipi ynë i mallrave parashikon një rënie të mëtejshme në 85 euro në tremujorin e parë të vitit të ardhshëm përpara se të rritet ndjeshëm në verën e ardhshme pasi nivelet e ruajtjes janë rindërtuar,” theksojnë analistët e Goldman Sachs në kërkimin e tyre. Parashikimet e tyre tregojnë për një rritje të çmimeve në pak më pak se 250 euro për megavat orë deri në fund të korrikut.

Çmimet e gazit natyror pritet të rriten pas tre muajve të parë të vitit 2023 për shkak të disa faktorëve.

Fatih Birol, drejtor ekzekutiv i Agjencisë Ndërkombëtare të Energjisë, tha për CNBC se vetëm një sasi shumë e vogël e gazit natyror  të lëngshëm do të dalë në treg vitin e ardhshëm. “Nëse ekonomia e Kinës sheh një rimëkëmbje, vitin e ardhshëm importi i gazit natyror të lëngshëm në Kinë mund të rritet, gjithashtu dhe në Europë”, tha ai.

SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.