Cristiano Ronaldo kërkon staf për hotelin e tij – Për kategori të ndryshme pagat arrijnë deri në 33.000 euro në vit

Krahas të qenit mbreti i futbollit, Cristiano Ronaldo dëshiron të arrijë majat edhe me bizneset e tij. Nëse jeni duke kërkuar për punën tuaj të radhës, mund t’ju interesojë reklama e mëposhtme. Hotel Pestana CR7 kërkon katër punonjës dhe u ofron kontratë të përhershme dhe 50 ditë pushime në vit.

Hoteli ndodhet në Gran Via të Madridit dhe është në pronësi të Cristiano Ronaldo. Përveçse “mbret” i futbollit, ai dëshiron të arrijë majat edhe me bizneset e tij. Ylli portugez ka përfunduar së fundmi blerjen e një grupi botues për 56.8 milionë euro. Sulmuesi i Al Nasr ka dhënë tashmë udhëzimet e tij të para, ndër të cilat ofron një pagesë shtesë për punonjësit e kompanisë në formën e një çeku për 1250 euro. Tani ai po kërkon staf për hotelin e tij luksoz.

Punët e ofruara nga hoteli Pestana CR7 përfshijnë recepsionin, shërbimin ndaj klientit, kuzhinierin dhe pozicionet e teknikut të mirëmbajtjes. Meqenëse hoteli mirëpret turistë nga e gjithë bota, aplikantët duhet të kenë një nivel të lartë të gjuhës angleze.

Pagat që ofron Cristiano janë të ndryshme dhe variojnë në varësi të pozicionit. Për shembull, paga më e ulët është 25,000 euro në vit, që është afërsisht 2,000 euro në muaj, ndërsa më e larta është 33,000 euro, ose 2,750 euro në muaj.

Hoteli ofron edhe përfitime shtesë për të interesuarit, si sigurim mjekësor privat, ndërsa punonjësit do të mund të përfitojnë shërbimet e hotelit pa pagesë. Shpallja është publikuar në faqen e internetit turijobs.com.

Katër pozicionet e hapura janë si më poshtë dhe janë të gjitha me kohë të plotë:

Tekniku i mirëmbajtjes: Kjo është një kontratë e përkohshme zëvendësimi. Pozicioni kërkon më shumë se dy vjet përvojë dhe paga që do të merrni do të jetë rreth 25,000 euro në vit.

Pritja dhe shërbimi ndaj klientit: Kërkohet një minimum prej dy deri në tre vjet përvojë të provuar. Paga juaj do të jetë rreth 28,000 Euro dhe kandidatët duhet të flasin rrjedhshëm gjuhën angleze.

Koordinatori i ekipit: Kandidati duhet të ketë një diplomë universitare në turizëm, me të paktën tre vjet përvojë dhe një nivel të lartë të gjuhës angleze. Paga e tij do të ishte rreth 33 mijë euro.

Kuzhinier: Kërkohet trajnim profesional dhe të paktën dy vjet përvojë me pagë 25,000 euro në vit.

Dorian Koça/SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.