Dëshironi të paguheni për të shkuar në plazh? Kjo kompani kërkon të japë mijëra për të vizituar motele retro plazhi në të gjithë SHBA-në!

Hotels.com po kërkon të punësojë një Motelier Retro Beach, i cili do të vizitojë disa motele plazhi retro në të gjithë Shtetet e Bashkuara dhe do të shijojë pamjet buzë oqeanit në stilin e viteve 1950.

Itinerari përbëhet nga 10 motelet më të mira të plazhit retro të Hotels.com në të gjithë Amerikën, duke përfshirë The Pearl Hotel në San Diego, Kaliforni dhe Hotel Vagabond në Miami, Florida. Lista bazohet në vlerësimet e të ftuarve, dizajnin e përgjithshëm, vlerën dhe vendndodhjen, tha kompania në një njoftim për shtyp.

Motelieri ose specialisti që do të kujdeset për analizën e moteleve retro, do të jetë i pajisur me aksesorë stilikisht të vjetër, duke përfshirë zink SPF, çadra me vija, syze klasike dhe madje edhe një radio AM/FM me energji diellore për të shijuar disa melodi. Puna do të përbëhet nga aktivitete jashtë linje, të tilla si dokumentimi i udhëtimit “për brezat e ardhshëm” duke përdorur një kamerë klasike polaroid.

Pushuesit profesionist do t’i jepet një pagë 10,000 dollarë për të mbuluar shpenzimet e udhëtimit, dhe një pagë 5,000 dollarë për t’i shpenzuar në ushqime klasike në breg të plazhit.

“Udhëtarët këto ditë priren të kërkojnë hotele dhe resorte gjithëpërfshirëse kur planifikojnë arratisjet e tyre verore, por Motelieri/ja jonë Retro Beach është e gatshme të provojë se motelet në plazh mund të jenë po aq luksoze”, tha Melissa Dohmen nga Hotels.com. “Këto motele të përjetshme jo vetëm që janë miqësore me buxhetin, por do të transportojnë plazhistët — fjalë për fjalë dhe figurativisht prapa në kohë për t’u shkëputur dhe relaksuar me të vërtetë.”

Ata që nuk duan të udhëtojnë vetëm mund të sjellin një mysafir për t’u bashkuar me argëtimin.

Për të aplikuar për pozicionin, plotësoni një aplikim online. Do t’ju duhet të përfshini profilin tuaj në Instagram për t’i treguar Hotels.com aftësitë tuaja për shkrepjen e fotografive.as

Edel Strazimiri / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.