Dhuratat për festat – 1 italian në 2 është një “riciklues serial”
Kur bëhet fjalë për dhuratat në këtë periudhë festash, italianët konfirmojnë tendencën, e cila është konsoliduar vitet e fundit, të të qenit “riciklues serial”. Ky trend tani përfshin një italian në dy, 28.5 milionë njerëz, sipas një hulumtimi. Një kursim prej 3.4 miliardë eurosh për ata që riciklojnë dhuratat: 200 milionë më shumë se vitin e kaluar dhe 100 milionë më shumë se Krishtlindjet para pandemisë. Sa i përket mbetjeve nga tryeza festive, publikohet një vlerësim i parë: tre miliardë euro të shpenzuara, 82% e familjeve riciklojnë mbetjet.
Riciklimi i dhuratave ka forma dhe metoda të ndryshme. Gjashtë nga 10 italianë do të riciklojnë dhuratat e marra gjatë këtyre festave gjatë vitit, duke i përdorur në kohën e duhur – 55% femra dhe 45% meshkuj. Madje ka nga ata që fitojnë nga dhurata e marrë nëpërmjet shitjeve në platformat online dhe rrjetet sociale: bëhet fjalë për 2 nga 10 riciklues, të tjerët do t’i shkëmbejnë dhuratat e marra në dyqanet e blerjeve. Ndër dhuratat e ricikluara gjejmë ushqime me 42% (verëra, mish të pjekur, djathëra, prosecco, raki, oije analkoolike, panettone, pandoro, çokollatë, fruta të thata, mjaltë, reçel, ëmbëlsira rajonale); ndjekur me 29% nga shalle, doreza, kapele, çorape, produkte personale si kozmetikë dhe krem; 17% libra, karta dhuratash dhe artikuj lëkure; 12% lodra.
Në mbi tetë nga dhjetë shtëpi, ose 82%, mbetjet nga darkat dhe dreka e Krishtlindjeve riciklohen në tavolinë dhe ripërdoren në kuzhinë, gjithashtu për shkak të një ndjeshmërie në rritje ndaj reduktimit të mbetjeve për arsye ekonomike, etike dhe mjedisore. Vetëm 9% e familjeve nuk kanë asgjë të mbetur, ndërsa 4% dhurojnë për bamirësi dhe vetëm 1% thonë se e hedhin në kosh.
Me një mesatare prej 2.7 orësh të shpenzuara në kuzhinë për përgatitjen e pjatave, , italianët shpenzuan pothuajse 3 miliardë euro në tavolinë për ushqimin dhe pijet e konsumuara mes darkës së Krishtlindjes dhe drekës së Krishtlindjes, midis peshkut dhe mishit. Rikuperimi i ushqimit është një zgjedhje që është e mirë për ekonominë dhe mjedisin.
Dorina Kurtaj /SCAN
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.