Dollari dhe Euro vijojnë ‘pikiatën’ – Dobësohen ndjeshëm edhe Paundi e Franga!

Dollari amerikan vijon të humbasë në mënyrë të ndjeshme pikë teksa ka regjistruar sërish rënie të fortë të vlerës këtë mëngjes duke u blerë sot me 89.5 lekë dhe duke u shitur me 91 lekë në raport me dje.

Monedha europiane gjithashtu ka shënuar zbritje të konsiderueshme të kuotës teksa është blerë këtë të martë me 101 lekë dhe është shitur me 1025 lekë në raport me ditën e hënë sipas kursit të këmbimit lokal.

Franga zvicerane ka pasur edhe ajo një rënie të fortë të kuotës mëngjesin e sotëm pasi është blerë sot me 103.8 lekë dhe është shitur me 105.1 lekë krahasuar me një ditë më parë.

Paundi britanik nuk bën përjashtim duke u dobësuar edhe ai ndjeshëm teksa është blerë këtë mëngjes me 116.6 lekë dhe është shitur me 119 lekë referuar tregut të brendshëm valutor.

SCAN

 

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.