Rriten me 30% gjobat për ndotësit e mjedisit – Kumbaro: Masat marrin direkt titull ekzekutiv. Edukojmë qytetarët dhe bizneset

Qeveria shqiptare ka vendosur të bëjë ndërhyrje në katër ligje në fushën e mjedisit, duke synuar të forcojë masat administrative për ndotësit, që nga individët deri tek bizneset. Ministrja e Turizmit dhe Mjedisit, Mirela Kumbaro, bëri me dije se gjobat do të rriten me 30 %.

“Masat ndëshkimore të parashikuara në këto 4 ligje rriten me 30 për qind, por më e rëndësishmja është që ato kthehen menjëherë në titull ekzekutiv për të ruajtur efektin e tyre ndëshkues, korrektues dhe edukues.  Që nga individi më i thjeshtë që ndot natyrën pasi ka bërë një piknik, janë të detyruar të investojnë po aq për të mbrojtur mjedisin dhe cilësinë e ajrit.”

Sipas Kumbaros, me ligjet e vjetra, mbledhja e gjobave ishte e  vështirë për shkak të procesit të zgjatur të ankimimit. Ministrja theksoi gjithashtu se do vijohet me ndërhyrje të tilla në ligje të tjetra siç është ligji për menaxhimin e mbetjeve për të cilin po punohet për t’iu përgjigjur realitet të ri që lidhet me shtimin e numrit të turistëve.

Elisabeta Dosku/ SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.