Dollari, humbjet më të mëdha në mbi 2 vite – Banka Qendrore e Australisë ngadalëson hapin e rritjes së interesave

Dollari amerikan po shfaqet i qëndrueshëm në sesionin e sotëm, por gjatë tregtisë aziatike ka publikuar humbjet më të mëdhë në disa vite, pasi Banka e Australisë surprizoi investitorët duke mos ndryshuar shumë normat e interesit. Kjo bëri që investitorët të mendojnë se rritja e normave të interesit nga bankat qëndrore mund të ngadalësohet.

Gjatë natës, euro fitoi rreth 1.6% të vlerës përballë dollarit amerikan, duke shtuar shumë pranë nivelit të paritetit. Edhe paundi britanik u rrit me rreth 1.4%, pranë 1.15 dollarëve. Ndërsa indeksi që mat ecurinë e dollarit amerikan ra me 1.3%, humbjet më të mëdha ditore që nga marsi i vitit 2020, kur filloi pandemia e Covid-19.

Në takimin e së martës, Rezerva Federale e Australisë rriti me vetëm 25 pikë përqindje normën bazë të interesit, ndërsa analistët prisnin një rritje me 50 pikë bazë. Humori i investitorëve është përmirësuar edhe nga fleksibiliteti i treguar nga qeveria në Mbretërinë e Bashkuar me planin për uljen e taksave dhe incentivat për investime.

Për rrjedhojë, paundi britanik ka fituar rreth 11% të vlerës që kur preku nivelin më të ulët në histori rreth 10 ditë më parë. Në fokus të tregjeve do të jenë edhe të dhënat mbi punësimin në SHBA për shtatorin, që publikohen të premten, dhe takimi i Bankës Qendrore Europiane më vonë gjatë këtij muaji.

SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.