Dollari, në nivelin më të ulët në 2 javë – Ndikohet nga rritja e aplikimeve për asistencën e papunësisë në SHBA

Tregu monetar po shfaqet i qëndrueshëm në sesionin e sotëm, por të enjten dollari ka ndjeshëm për shkak të rritjes së aplikimeve për përfitimin e asistencës së papunësisë. Këto të dhëna kanë shtuar mundësitë që Rezerva Federale të mos rrisë normat e interesit në takimin e javës së ardhshme. Numri i amerikanëve që aplikuan për përfitimin e asistencës së papunësisë u rrit në nivelin më të lartë në 1 vit e gjysmë, gjatë javës së kaluar, duke bërë që dollari të bjerë në nivelin më të ulët në 2 javët e fundit, përballë shportës me 6 monedhat kryesore ndërkombëtare.

Indeksi që mat ecurinë e dollarit amerikan, po qëndron në rreth 103.4, ndërsa në sesionin e kaluar ra me 0.7%, humbjet më të mëdha ditore në disa javë. Në anën tjetër, paundi britanik ka prekur nivelin më të lartë në 1 muaj përballë dollarit dhe po tregtohet në rreth 1.2560 dollarë. Ndër monedhat e tjera, lira turke vijon zhvlerësimin dhe vetëm ditën e djeshme ra me 1% përballë dollarit, duke prekur një nivel të ulët rekord prej 23.5 dollarë, menjëherë pasi presidenti Erdogan emëroi Hafize Gaye Erkan në krye të Bankës Qendrore.

Erkan ka shërbyer si drejtuese financiare në Shtetet e Bashkuara të Amerikës. Javën e ardhshme fokusi do të jetë te bankat qëndrore, pasi do të jetë Rezerva Federale, Banka Qendrore Europiane dhe Banka e Japonisë që do të vendosin mbi politikat e tyre monetare. Në tregun e kriptomonedhave, bitcoin po tregtohet në rreth 26,500 dollarë, ndërsa ethereum po tregtohet në rreth 1840 dollarë.

SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.