Dollari rikuperon një pjesë të humbjeve – Shtohen mundësitë që Rezerva Federale të rrisë normat e interesit

Dollari amerikan po qëndron në rënie në sesionin e sotëm, pas fitimeve të realizuara në sesionin e kaluar, i mbështetur nga të dhënat që përforcuan parashikimet se Rezerva Federale do të rrisë normën bazë të interesit në takimin e ardhshëm.

Gjithashtu, edhe ekonomia kineze u zgjerua me një hap më të shpejtë se parashikimet e analistëve, gjatë tremujorit të parë të këtij viti. Indeksi që mat ecurinë e dollarit amerikan, përballë shportës me 6 monedhat kryesore ndërkombëtare po qëndron në rreth 102, ndërsa në sesionin e kaluar u rrit me rreth 0.8%. Prodhimi i Brendshëm Bruto në Kinë u rrit me 4.5% në tremujorin e parë të këtij viti, me bazë vjetore, ndërsa analistët parashikonin një rritje me 4%.

Në Shtetet e Bashkuara, ndërkohë, të dhënat e publikuara treguan se besimi mes ndërtuesve u rrit për të katërtin muaj me radhë, gjatë prillit. Tashmë, tregjet vlerësojnë se ka 91% mundësi që Rezerva Federale të rrisë edhe me 25 pikë bazë normën e interesit, në takimin e majit.

Investitorët po presin edhe të dhënat mbi punësimin në Mbretërinë e Bashkuar, që do të publikohen më vonë gjatë ditës së sotme. Në tregun e kriptomonedhave, bitcoin po tregtohet poshtë 30 mijë dollarëve, ndërsa ethereum po tregtohet në rreth 2100 dollarë.

SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.