Dollari rikuperon pjesërisht humbjet – Në fokus të tregjeve, takimi i BQE javën e ardhshme. Pritet rritje e interesave
Dollari amerikan vijon të qëndrojë në nivelin më të lartë në 32 vitet e fundit përballë jenit japonez, dhe në nivelin më të lartë në 2 javët e fundit në raport me monedhat kryesore ndërkombëtare.
Monedha e gjelbër është mbështetur nga pritshmëritë se Rezerva Federale do të vijojë me politikëm monetare shtrënguese. dollari është ngjitur në mbi 149 jen, niveli më i lartë që nga gushti i vitit 1990.
Tashmë investitorët po presin ndërhyrjen e Bankës së Japonisë dhe Ministrisë së Financave për të stabilizuar monedhën vendase dhe të mos lejojnë tejkalimin e nivelit psikologjik prej 150.
Indeksi që mat ecurinë e dollarit amerikan, përballë shportës me gjashtë monedhat kryesore ndërkombëtare po qëndron në mbi 112, ndërsa në sesionin e kaluar ra në nivelin më të ulët që nga 6 tetori.
Ndërkohë, edhe paundi britanik ka pasur një tendencë në rënie, pasi Banka e Anglisë njoftoi se do të shesë disa prej bonove që qeverisë britanike, duke filluar nga 1 nëntori. Euro vijon të qëndrojnë në rënie të lehtë, por mbi nivelin e 0.98 dollarëve.
Analistët parashikojnë se, Banka Qendrore Europiane do të rrisë sërish normën bazë të interesit me 75 pikë bazë, në takimin e jaës së ardhshme. Në tregun e kriptomonedhave, bitcoin po tregtohet në rreth 19,200 dollarë, ndërsa ethereum po tregtohet në rreth 1300 dollarë.
SCAN
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.