Dollari rritet lehtë pas 2 ditësh në rënie – Përfiton nga statusi i “parajsës së sigurtë”, pas problemeve të bankave

Dollari amerikan, që cilësohet si një parajsë e sigurtë në periudha traziarash, është forcuar gjatë sesionit të sotëm, pas dy ditësh me radhë në rënie. Sistemi financiar global vijon të jetë në fokus të tregjeve, me shpresën se një krizë në këtë sektor mund të shmanget.

Indeksi që mat ecurinë e dollarit amerikan, përballë shportës me 6 monedhat kryesore ndërkombëtare, ka fituar rreth 0.3% të vlerës gjatë sesionit aziatik. Humori i investitorëve është përmirësuar nga lajmet për blerjen e të gjitha depozitave dhe kredive të Silicon Valley Bank nga banka First Citizens.

Megjithatë, investitorët janë ende shumë sensitivë ndaj zhvillimeve që kanë të bëjnë me sistemin bankar. Megjithatë, euro vijon të tregtohet në mbi 1.08 dollarë, ndërsa paundi po tregtohet në mbi 1.13 dollarë. Në tregun e kriptomonedhave, bitcoin është rritur lehtë dhe po këmbehet në rreth 27,400 dollarë, ndërsa ethereum po tregtohet në rreth 1800 dollarë.

Edhe në lidhje me këtë treg, kujdesi është i lartë pasi platforma më e madhe në botë e këmbimit të kriptomonedhave, Binance, pezulloi përkohësisht transaksionet për shkak të disa problemeve teknike, ndërsa edhe Komisioni i Tregtimit të Kontratave të së Ardhmes në SHBA ka ngritur një padi ndaj kësaj platforme.

SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.