DPSHTRR: ‘Shtrëngatë” për Autoshkollat abuzive: 13 pezullime aktiviteti në kryeqytet!

DPSHTRR njofton se gjatë kontrollit të ushtruar në 70 subjekte autoshkolla në Qarkun Tiranë, për muajt Prill-Maj 2023, ka konstatuar 66 subjekte me 185 raste mangësish, nga të cilat 53 subjekte korrigjuan pozicionin e tyre para ligjit brenda afateve si dhe u kontrolluan 270 mjete Autoshkollë nga të cilat 68 u gjetën me parregullsi!

Më specifikisht DPSHTRR informon se masat e marra janë:

• 13 Autoshkolla pezullim aktiviteti! 10 pezullime 1-mujore!
• 3 propozime për heqje License Autoshkolle pranë QKB!
• Propozim për largim nga detyra për 1 Përgjegjës Sektori Leje Drejtimi, Tiranë!
• Ndalim Ushtrim Profesioni për 2 Instruktorë Autoshkolle!
• Masë e rëndë disiplinore për 1 Specialist Regjistrimi Mjeti, Tiranë, për shkelje në lëshimin e Lejes së Qarkullimit për 1 mjet Autoshkolle!

Sipas informacionit të publikuar mangësitë kryesore të konstatuara kanë qenë si më poshtë:

• Orare të pa afishuara;
• Rregullore të pa përditësuara;
• Tabela keqinformuese! Autoshkolla reklamon për kategori Leje Drejtimi që nuk është e licencuar si aktivitet;
• Regjistrat teori/praktikë të pa azhurnuara;
• Amza e pa protokolluar pranë DRSHTRR-ve;
• Klasa të pa pajisura sipas kritereve;
• Tabelat e mjetit autoshkollë jashtë standardi;
• Ambienti jo i rregullt/jofunksional;
• Autorizime mjeti dhe instruktorësh të skaduara;
• Parregullsi teknike në mjete.

DPSHTRR, në vijim të angazhimit për mbrojtjen dhe standardizimin e tregut të Autoshkollave, bën me dije se asnjë subjekt nuk do të lejohet të operojë në shkelje apo në kundërshtim me ligjin si dhe apelon çdo qytetar qe të kontaktojë pa hezitim çdo anomali: https://www.dpshtrr.al/denonco-autoshkolla-abuzive.

E . S / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.