Dy kompani celulare, Konkurrenca: Nuk e donim, por të detyruar – Biba: Reduktimi i operatorëve, trend global. Shkak kostot shumë të larta të investimeve

Kreu i Autoritetit të Konkurrencës, Denar Biba, ka paraqitur në Komisionin parlamentar të Ekonomisë raportin e punës së institucionit për vitin e shkuar.

Ai u pyet nga deputetet mbi tregjet me sensibilitet më të lartë, siç është ai i telefonisë celulare, ku tashmë operojnë dy operatorë. Sipas Bibës, rënia e numrit të operatorëve celularë është një fenomen që po ndodh edhe në tregje të tjera, për shkak të investimeve shumë të larta teknologjike, të cilat janë të papërballueshme për kompani të vogla.

Biba tha se gjatë vitit të shkuar Autoriteti i Konkurrencës ka kryer një numër të madh hetimesh, ndërkohë që janë vënë rreth 2 milionë euro gjoba për mosrespektim të ligjit.

Një pjesë e mirë e debatave në Komisionin parlamentar të Ekonomisë kishin në qendër bordin e transparencës së hidrokarbureve.

Lorenc Rabeta/SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.