E ardhmja e ushqimit: Bio-sensori që mat saktësisht vitaminat në fruta dhe perime në kohë reale!

Matja e numrit të vitaminave në fruta dhe perime në kohë reale në terren së shpejti do të bëhet realitet falë një biosensori i thjeshtë për t’u përdorur që po zhvillohet nga shkencëtarët në Gjermani, Belgjikë dhe Holandë.

Ndryshimi i klimës po na detyron të mendojmë shumë më fort se si dhe ku rritet ushqimi ynë. Në Holandë, një projekt europian i quajtur ‘EMR Food Screening’ synon të mbështesë prodhuesit kur bëhet fjalë për të bërë këtë tranzicion.

Pajisja kryesore e projektit është një biosensor. Ndërsa ende nuk është komercializuar plotësisht, ai mund të përcaktojë sasinë e numrit të vitaminave që përmbahen në tranguj e fruta dhe perime të tjera në kohë reale në terren.

Një informacion i tillë është jetik për fermerët dhe prodhuesit e ushqimit, pasi u mundëson atyre të rregullojnë variablat, si sasia e lagështisë për bimët, për të përmirësuar cilësinë ushqyese të kulturave të tyre.

Biosensori zbulon vitaminat e ushqimit përmes kodimit të ngjyrave. Shkencëtarët në Universitetin e Mastrihtit kanë zhvilluar një pjesë kimike – ose receptor – të biosensorit. Kjo mund të përcaktojë përmbajtjen e saktë të vitaminës së një fruti.

Kostoja e projektit ishte 1.9 milionë euro, gjysma e të cilave u financua nga Politika e Kohezionit të Bashkimit Europian. Programi EMR përfshin universitete, studiues dhe kompani nga Gjermania, Belgjika dhe Holanda. Përveç prodhuesve të ushqimit, teknologjia duhet të lejojë gjithashtu konsumatorët të dinë cilësinë e saktë ushqyese të ushqimit të tyre.

“Një nga gjërat që dëshironi të dini është se çfarë dhe sa lëndë ushqyese kam në ushqimin tim? Dhe mund të hyni në një supermarket dhe ata thonë se është i shëndetshëm, por a është në të vërtetë i shëndetshëm? Pra, nëse keni një sensor që mund thoni shpejt, ok, kjo është sasia e vitaminës C që keni në të, atëherë është shumë e dobishme”, thotë Bart van Grisven, Profesor i Asociuar dhe Drejtues i Projektit të Ekzaminimit të Ushqimit EMR.

Komunikimi dhe ndërgjegjësimi më i madh i publikut shihen si çelësi nëse revolucioni bujqësor dëshiron të ketë sukses. Kampusi i Brightlands (Greenport Venlo), një qendër që specializohet në ushqimin e shëndetshëm dhe të ardhmen e ushqimit, e ka bërë atë prioritetin e saj kryesor.

Edel Strazimiri / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.